2012年11月18日 星期日

[ 淳.為食 ] 來來重慶雞煲火鍋菜館 (深水埗店)



阿淳之前說過在紅磡崇潔街有一間叫「來來」的雞煲很好吃!一直念念不忘要再去食過,不過太遠一直沒有坐言起行!

早前朋友提起想打邊爐,社長艾文(不小心創作社)就提議去深水埗的「來來重慶雞煲菜館」食雞煲,因為他認識菜館老闆李潤祺,而且很多舞台劇界的名人(如何遠東、焦媛、陳健豪等)食過都勁推介咁話!so let's go~

點解會有咁多名人明星去這間菜館食雞煲呢,當然有先天的條件啦~因為老闆李潤祺本身都係演藝界人士,他的代表作有「再見艷陽天」、「我來自廣州」、「我和彊屍有個約會」等。最近他也有舞台劇的演出,是與歐錦棠、萬斯敏合作的鬼馬戲曲音樂劇「好姐賣粉果」,下面我會補資料給大家。

來到菜館,執社長口水尾,一定唔會入錯舖頭,因為入面貼滿舞台劇的宣傳海報,有鬼馬戲曲音樂劇「好姐賣粉果」、焦媛的獨唱戲「掌聲響起」等。一坐下,老闆李潤祺已經走過來跟我們打招呼,並為我們推薦美食及親自為我們點菜!so nice!!!

在他的極力推介下,我們點了一個雞煲,但因為社長一d辣都唔食得,所以我地點了唔辣,貼心的祺哥(寫到依到就已經懶熟咁叫人祺哥!XD)特地為我們一班嗜辣之人調配辣醬!(感動ING)

登登登登~這就是主角雞煲啦~問過祺哥這間「來來」和紅磡那間「來來」有什麼分別,他說他們這間是用瓦煲的,紅磡那間不是用瓦煲的。上網調查了一下,用瓦煲煮菜、蒸飯或煲湯,可使菜味香濃、飯粒飽滿彈牙、湯味醇厚味美,所以很受到老廣東的喜愛!

這就是我們一班嗜辣之人的恩物!

唔係講笑,雞件好入味同又彈又滑!雞汁的味道好香濃!本身阿淳沒有很好芫茜的,但食過雞煲之後喜歡上了~因為很甜而且吸了雞汁之後好好味!

雖然祺哥好好人咁調配了好味辣醬給我們,但阿淳覺得少了愈滾愈辣的個種精髓,那份刺激感!下次去食的時候一定要吃辣!!

食到差唔多,就加湯轉邊爐~祺哥推薦我們要叫一些比較吸味的食材,例如芋頭,他說這才不浪費了雞汁,而且好好味,最後一定要加一個公仔麵,咁先完滿呀!哈哈~

有冇見到我加點了芫茜XD



多謝社長帶我們去食咁好味的雞煲,多謝祺哥熱情的招待!我們都過了一個充滿歡樂與美食的晚上!We'll be back!^^


來來重慶雞煲火鍋菜館:


總店:沙田大圍海福花園商場15號地下 電話:2604 0353
深水埗店:九龍深水埗順寧道29-33號地下 (松記後面條街) 電話:2728 6268
荃灣店:荃灣三坡坊20號地下 電話:2944 99315


不小心創作社:http://www.thinkbigtheatre.com/page01.shtml
好姐賣粉果: http://www.timable.com/event.php?eid=66785

3 則留言:

  1. 你都食得幾辣下bor
    [版主回覆11/19/2012 00:51:58]我上次試朋友叫的中辣...一啖之麻...我個碗2小辣已經冇味...
    [Dull♥回覆11/19/2012 00:29:25]譚仔個小辣我食過一次,辣到噴火
    [版主回覆11/19/2012 00:28:06]其實我都唔係好食得辣,只係like食辣,我都譚仔都唔敢挑戰小辣ga~

    回覆刪除
  2. 小mee剛吃過沙田圍的雞煲~!
    很不錯呢~~ 雞很滑啊 :D 下次試試你介紹的這間! ^-^
    [版主回覆11/21/2012 14:18:19]小mee~ 多謝你黎我個blog呀~^^
    沙田圍其實都有好多好野食呢~^^

    回覆刪除
  3. 我都念住食AvA 夠唔夠辣?@@
    [山神回覆11/23/2012 17:57:40]ya~AvA 勁愛辣~~ (握握手)
    [版主回覆11/23/2012 09:15:21]佢調個個醬係少辣,但我覺得佢煲煲下應該會辣d~因為佢用瓦煲,d味會出d~^^
    睇黎你都係極好辣之人wor~ (握握手)

    回覆刪除

Welcome to leave comments and follow my blog!

Related Posts Plugin for WordPress, Blogger...